البداية .. البداية .. لما تعرف .. واعرف
اول الحكاية
البداية انت مصرى -- وانا مصرية
..
ميم .. مسلم .. مسلمة
مسيحى او مسيحية ..
معجون بتراب بلدى
و بمية النيل ديه
معروف عنى الاصالة و النخوة و الحنية
مشهود لى بقوتى و عزيمتى و ارادتى القوية
مرت عليا صعاب تهد جبال
صديتها بعقل بيفكر و بايد قوية
مليش فى المظاهر و متخدعنيش كلمة مزوأه او عبارة ثورية
مجدى القديم هعيدوا بجهدى و عرقى .. و ان كانت الخطة خماسية
معرفش خيانة و لا غدر و كلمتى فيها جدية
صاد .. صالح و صالحة .. زكى و زكية
محمد و يونس .. و عيسى و ماريا
حبين ترابك و عشقينك لاخر لحظة عمر فى الدنيا
صوتهم يعلى باسمك
.jpg)
يناديكى فى كل عصر
صابرين عشانك يا بلدى
صامدين وراكى يا مصر
صدى الجدود سامعينه ..
ابنوا و عمروا .. ليوم نصر
صبحه هيجى اكيد
مع فجر يوم جديد
صحى يا مصر شبابك ..
ده يومها هيبقى عيدك
راء .. رزقك ربك بنور
رملك دهب منثور
روعة هواكى عطور
ربيع السنة على طول
رايتك رافعها بايدى
روحى و دمى فداكى
رب العباد يحميكى
ياء .. يا مصرى .. يا مصرية
الدين لربى .. و الارض دى ليكى و ليا
يا كل ام و اب .. علموا و لادكوا يرفعوا اسم البلد ديه
يا كل شاب و شابة
اعرقوا و اتعبوا
و ابنوها بايدك و بأديا
يا مصر تحيي و تعيشي ام لكل الدنيا
يلا نقول تحيا مصر .. بنحبك يا مصر
مشاركة العضوه / حنان جبران
